قصيده للشاعر ضاوي فالح الهذلي رحمه الله

  • هذا الموضوع فارغ.
مشاهدة 3 مشاركات - 1 إلى 3 (من مجموع 3)
  • الكاتب
    المشاركات
  • #652
    ابو خالد الهذلي
    زائر

    السلام عليكم ورحمة الله وبركاته احببت ان اشارك بهذه القصيده للشاعر ضاوي فالح الهذلي رحمه الله

    جيت المكان اللي رسومه محني ياليت رجلي ماوطته ومشيته

    ذكر علي وخاطري مرجهني ماض(ن) تقفته الليال ونسيته

    معالمه عقب البطا يخلفني الا مكان(ن) فيه جاني وجيته

    شفت الفياض اللي شمله يجني وجيت الضليع اللي جنوبي بيته

    وقفت به لين الدموع ذرفني وقفيت مثل اللي دفن راس ميته

    هاك المكان اللي ضحك فيه سني جيته عقب طول الغياب ولقيته

    يوم اجتمعنا والضروف اسمحني دار الحديث وما طرى لي بديته

    فرصة عمر ماجت لنا بالتمني احلى ليال اعمر فيها قضيته

    مع صاحب كنه بهرجه يمني قمت اسبقه بالسالفه ما حتريته

    سوالفه عن الغلا يوجعني يقول لاتترك محب(ن) بليته

    قالت حرام تضيع الحلم مني وانت الفؤاد وما ملكته خذيته

    وراك تبطي ياهوى البال عني مر الفراق اللي قسا ما قويته

    ابا اتصبر والدموع افضحني والسد باح اللي على امي كميته

    قلت الصبر مطلوب منكم ومني لاتهدم اللي بالمحبه بنيته

    كان الضروف اللي قسن يسمحني والله لاموت وحبكم ما محيته

    يمك هواجيس الغرام ادفعني امشي لكم طوعن على ما شتهيته

    كم ليلة منك العيون اسهرني غربلتني من دون ذنبن جنيته

    من عقب ماني بالحياه متهني وخذت من حلو الزمان وعطيته

    اليوم اعدي بالطويله واغني بارض(ن) خلا فيها الونس مالقيته

    اتللي نبي عنه الليال ابعدني شان الزمان وما حصل ماهقيته

    ليت السنين اللي مضن يرجعني ونعيش في ذكرى سجلن طويته

    لاشك ماينفع كثير التمني مايرجع اللي راح لو قلت ليته

    ابا اقتنع لو كان جرحك غبني هذا نصيبي بالحياه ورضيته

    #7009
    غير معروف
    زائر

    صح لسان الشاعر – رحمه الله –
    نقلت فأبدعت يا ابا خالد
    تقديري واحترامي لك

    #7102
    غير معروف
    زائر

    وعليكم السلام ورحمة الله وبركاته. قصيدة من اجمل قصايد الشاعر الكبير ضاوي بن فالح الهذلي رحمة الله اشكرك يابوخالد على النقل تحياتي.

مشاهدة 3 مشاركات - 1 إلى 3 (من مجموع 3)
  • يجب تسجيل الدخول للرد على هذا الموضوع.
زر الذهاب إلى الأعلى