بيت الموده

[poem=font=”traditional arabic,6,,normal,normal” bkcolor=”transparent” bkimage=”” border=”none,4,” type=2 line=0 align=center use=ex num=”0,black””]
يا ابو فهد بكره على خير ماشي = عقب الصلاه وجاهمن مع اغبشها
ما عاد بالممشى جدال ونقاشي = النفس عيت تنسمح من طفشها
نبغى ديار مذبحين الكباشي = قومٍ يدوسون الصعاب وحنشها
اهل الفعايل مبعدين المعاشي = بيض الوجيه اللي يسرك بششها
يمطر عليهم من صدوق المناشي = يمطر ويسقي الظاميه عن عطشها
يعم سيله بــــ الوطى والدشاشي = معالم ارضه تختلف لا خرشها
سيلٍ شمل ما هو سحايب رشاشي = منه الشجر تفرع وتخضر اشوشها
تصير منه الارض مثل الفراشي = يفرح به اللي راسه ماله دبشها
من شان محبوبٍ على العز عاشي = روحي ليا جابوا مجاله نعشها
اسرف بـ فلبٍ بـ الموده هشاشي = جدد جروحٍ مرمسات ونبشها
بين المحاني والعروق العطاشي = حبه سطا بين الضلوع ودغشها
ما هو بـ حب اهل القلوب الغشاشي = ناسٍ لها غايه وتخفي غششها
بنيت له بيت الموده بـ جاشي = وسمحت له يمشي على كيف يشها

[/poem]