رداً على: ارجو الافادة عاجلا
بس أنا اقع بمواقف مشابهه
للموقف اللي ذكرته خيتي روج وعطر
قبل تخرجي سألتني وحده من المدرسات
قالت لي وش قبيلتك قلت لها هذيليه
قالت لا إنتي مآ فهمتيني أنا إقصد يعني إنتي
عتيبيه دوسريه قحطانيه وقامت تعدد لي أسماء بعض
القبايل قلت لها ي مره أنا قبيلتي هذيل »نرفزتني مع ان
قبيلتنا معروفه مثل ماذكر أخوي ومديرنا العجلان قبل الإسلام
المهم اني أحاول اقنعها وافهمها وهي مو راضيه تقتنع واحرجتني
قدام الطالبات وصارت تناظرني وتهوجس وخذت الدفتر حقي »والله اني شاغلتن بالها خخخ
وشافت اسمي على الدفتر باسم العائله (العجلان) قالت والنعم وقامت تمدح ومدري ايش
طيب هذا وش يعني ؟! يعني ان عائلتنا أكثر شهره من القبيله وفي هذي الحاله وشلون
أرد عليهم وكيف اقنعهم قليل اللي أذكر له اسم القبيله وما اشوف فوق رأسه عشره كيلو
استفهام وفي كل مره أواجه أحد مو عارف القبيله أقص له قصة هذيل يوم يحمون الكعبه
أبي أبين له ان حنا موجودين منذ العصر الأزلي خخ ولا بعد إذا قصيت القصه ردات فعلهم تطيح
وجهي أوووه ?لا ي كشخه إنتي «مو مصدقين ههههع
بالله هذولي وش الدبره معهم ؟!
وانآ نفسك يابشآير
بس اني اطنشهم
والله مانيب مجبره اجلس اقنع بخلق الله خخخخ :a26:
نوره
اختي ان قولك ( هذيليه ) يولد نوعا من عدم الارتياح للمسمى
فمن ينتسب لقبيلة هذيل يطلق عليه ( هذلي ) او ( هذليه ) واتمنى تبحثين عن كلمة الهذيليه في امهات الكتب .
في الدين اشتهر عبدالله بن مسعود ( الهذلي )
واشتهر نبيشة الخير والرسول الكريم عليه الصلاة والسلام هو من اطلق عليه اسم نبيشة الخير
وسنان بن المحبق الهذلي فاتح السند والهند اسماه وحنكه رسول الله عليه الصلاة والسلام يوم فتح مكه
وابو ذؤيب الهذلي صحابي مخضرم وشاعر علم من شعراء الجاهلية والاسلام يقول حسان بن ثابت ( اشعر العرب حياً هذيل واشعرهم ابو ذؤيب )
ابن القيم في كتاب الاصابه في اسماء الصحابه ( ذكر اكثر 100 صحابي كلهم من هذيل )
وفي المتاخرين كلام الاصمعي والشافعي وغيرهم ………..
ويكفيكِ عندما تسالين بان تقولي انا هذليه من هذيل ومن اجدادي ( عبدالله بن مسعود الهذلي صاحب سواك ونعل رسول الله صلى الله عليه وسلم )
وحقيقة وليس الامر جاهلية
فــ انا شخصياً اعتز بهذيل كـ قبيلة وبـ مطير كـ قبيلة
وبالفخر لا افاخر الا من هو من الاشراف نسباً