[غير معروف]

:bsm:

السلام عليكم ورحمه الله وبركاته

أعتذر في البداية لكتابة القصيدة بهذا الشكل، ومرد ذلك لكون أيقونة تنسيق القصيدة لم تعمل
ولعل الأحبة أن ينتبهوا لهذا الأمر ويعالجوا المشكلة.
الإهداء: إلى والدي يحفظه الله وإلى العم الوالد عبدالعزيز بن عجلان العجلان وشقيقي أبي نايف وإخواني جميعاً، وإلى ابن العم عجلان وأخويه محمد وفهد وكل محب لهم، وإلى عموم أبناء العم والأقارب والأصدقاء.

يـاليتـنا عن بلـدنا مـا تغربنـا
……………….ولا عرفنا الفراق المـر وأشـكاله

وياليتنـا عند أهلنـا في مضاربنـا
……………….بين المســاجد وهـاك الربـع نزالـه

ياوالله اللي شــقانا البعد وأشتقنا
……………….وياوالله اللـي عليهم حالنـا حــالـه

أشـتاقنا نجد وحنـا مثله أشـتقنا
……………….لا والله إلا ذبحنـا بعـد مدهــالــه

يامحـريٍ بالتواصل مـع معزبنــا
……………….سـلّم على حاتمي البذل وعيــالــه

لا عيشـنا طاب ولا حنـا بعد طبنا
……………….ما دامنـا ما شـربنا كيف فنجــالـه

وسـلّم على راس شيخٍ من مشايخنا
……………….قبـّل جبينه وطمنّـا على حــالــه

قل له ترانـا يبوي الحـال متعبنـا
……………….وأشـواقنا يمكـم يابـوي ميــّالــه

وســلّم على من نعاضده ويعاضدنا
……………….وأحبابنـا من بني عـم وبني خــالـه

وسلّم على تاج راس الجـود صاحبنا
……………….خيّـال خيل المراجل والسـعد فـالـه

عجـلاننا اللي بفعل الطيب مبهجنـا
……………….يـاقـلّ مثله وياكثـره على أمثـالـه

وسـلّم على العذب نهرٍ عنه ما تبنـا
……………….أما شـربناه ما نظمـا على جــالـه

محمـد وكم في محمـد من محـامدنا
……………….وكم موقفٍ سـيّسـه وإلا تصدى لـه

وإن عودت للفهـد محـدٍ مكذبنـا
……………….إن كان قلنـا فهد مشـروع بلحـاله

فهـد فهدنا وطيبه حيـل مسـعدنا
……………….وإيلا أرتكى للحمـل يرسي ويشـتاله

وإن كان شـفنا من الأخيار ما شفنا
……………….يامـا من البذل دورٍ ما بعد جـا لـه

وعلى سـعد حزننـا باقي يرافقنـا
……………….لا ما نسـينا سـعد طيبه وأفعـالـه

والمجلس اللي نجي له دوم واحشـنا
……………….سـلّم على كل من جـاه وتعنى لـه

من ربعنا من أهلنـا ومن معارفنـا
……………….أو من قـرومٍ تمـره مـر رحـالـه

الله يديم الرجـال اللي تنومسـنا
……………….ويديم هـاك الوطن ونـرد لظلالـه

[غير معروف]

صح لسانك ابوبندر

ونتشرف بتشريفكم

بانتظار بكل الشوق لشاعرنا المميز والمبدع الرائع دائما

[غير معروف]

صح لسانك ابو بندر
رائعة من روائعك
يستاهل الجميع المدح والقصيد
تقديري واحترامي

[غير معروف]

وعليكم السلام ورحمه الله وبركاته
صح لسان ابو بندر
:8lb:
قصيدة جزله ومشاعر صادقة
يستاهلون المدح واكثر
تعود لنا بالسلامة ان شاء الله
أطيب التحايا وأعطرها

:wrd:

[غير معروف]

صح لسااانك وعلااااا شااانك

يستاااهلووون

..

اتحفتنا برائعتك الشعرية

شكرا لك

..

تقبل مرووري

عمه جوووووود

..

[غير معروف]

والمجلس اللي نجي له دوم واحشـنا
……………….سـلّم على كل من جـاه وتعنى لـه

^^^^

اهدي هذا المقطع للغالي ابوي الله يرحمه

[غير معروف]

صح لسانك ياابو بندر

صح لسانك يابو بندر
قصيدة رائعة وتعود لنا ان شاء اللة
بالسلامة

[غير معروف]

وعليكم السلام والرحمه
صح السانك
وحياك المولى

[غير معروف]

وعليكم السلام ورحمه الله وبركاته
كفو ويستاهلون ولاهي غريبة عليك يابو بندر
:thumbup1:

[غير معروف]

وعليكم السلام
صح لسانك
يعطيك العافية ونورت المنتدى

[الكاتب]

المشاركات