[غير معروف]

كما تغنوا با الربيع العربي في كل محفل .. ونحن ادركنا الربيع الاسلامي منذ ان وحد الملك عبد العزيز (رحمه الله )

المملكه تحت راية التوحيد .. والى هذا الوقت ونحن ننعم بهذا الربيع الاسلامي.. في اسره واحده.. قياده وحكومه وشعبا ..

عبد الله يانسل الزعيم المحنك………… ياقايد(ن ) تسند عليه المهمات

يا للي بحكمته الصعيبات تبرك ………… لا والله اللي عودنا حي ما مات

عبد العزيز اللي بسيفه تملك …………. شبه الجزيره يوم الايام عسيرات

يا خادم البيتين لله درك ………… قدت السفينه رغم كل الصعوبات

دامك على وجه البسيطه تحرك ………… فحنا بخير(ن ) باذن رب السموات

اشرب غلاكم واتنومس بذكرك ………… واهديك من فيض الشعر حلو الابيات

الله رفع بين المخاليق قدرك ………… يا موحد قلوب (ن ) قبل كانت اشتات

انت السما للشعب وسلمان بدرك …………في حبكم منى تضيع العبارات

مادام حلال الصعيبات جنبـــــــك …………ابو فهد هو عزوتك في الملمات

افرح الى شفته يأ بويه بقربك …………انتم ذرانا يا الجبال المنيفات

الحر لحم وريش لا لا يغرك …………الحر سلمان ( ن ) ولا به مراوات

والنائب الثاني فعوله تسرك…………يشيل حمل ( ن ) ما يشيله ابانات

طيرك بكبد الجو وحزام ظهرك…………له رايه بيضاء علت كل رايات

حنا ترا شعبك ونمشي على امرك…………ارواحنا ترخص لكم كل الاوقات

يا سيدي من شاف الاوضاع يدرك…………ان الزعامهمالها الا انت با الذات

من حولنا نيران وامواج تهلك …………واحنا في ضل اخوان نوره سلامات

ربيع جانا من يهودي ومشرك…………همه يدمر ديننا والحضارات

تبغى الربيع اللي من الله يقربك…………كتاب رب (ن ) عالم با الخفيات

وسنه محمد خلها ساس منهجك…………وطاعت ولي امرك وكب الخرافات

هذا الربيع اللي لناخير وابرك…………نهج (ن ) لعود (ن ) جعله بخير جنات

نهج ( ن ) ابو تركي الزعيم المحنك…………اللي على نهجه بلغنا المجرات

شعر / ابراهيم بن حمد بن عبد الله العجلان

[غير معروف]

صح لسان الشاعر ابو حمد ولا هي غريبة عليه
الله يحفظ ولاة أمرنا من كل سوء
بيض الله وجهيكم

:wrd:

[غير معروف]

صح لسانك يبوحمد

بيض الله وجهك على القصيدة الطيبه

لاهنت يابن العم

[غير معروف]

صح لسانك يا بو حمد
كفو وبيض الله وجهك

:0069:

[الكاتب]

المشاركات