[غير معروف]

بسم الله الرحمن الرحيم

أعتذر عن فتح الموضوع مره أخرى : ولكنني مررت على إحدى منتديات هذيل واتضحت لي أموور
وحبيت اطرحهاا هنا ، اولاً خلونا نكون صريحيين عدم وجود مؤرخ أو بااحث في هذيل نجد وعدم
إهتمامهم بالتوثيق هو ما جعل بعض الأمور تختلط عليهم ، ولا يقول لي احد إحنا موثقين وعارفين لو تسأل اي
هذلي من هذيل نجد أنت من أي خامس يمكن يلتبس عليه او ما يعرف يجاوب وهذا مثل ما قلت سابقاً
عدم التوثيق والإهتمام ، مقاارنه بهذيل الحجاز هناك فرق، هم عندهم مهتميين وباحثيين بأمور القبيله ،
وبجذور القبيله اما هذيل نجد ما كلفو انفسهم يبحثون ويوثقون ،
وأتمنى من أخوااني ان يكون النقاش للفايده وللتصحيح اذا كان هناك لبس وليس لشئ آخر
لأننا كلناا هذلان واذا أُختلف أو صار لبس في اسم الجد الأمر لا يستدعي التهور بالألفااظ لأن
الجد الأسااسي واحد
واللبس ليس تعدي ، واللي عرفته بأن النازحين من الحجاز لنجد كُثر وليس أهل الطير وحدهم
وحاادثة الطير هي ما جعلت أسماء أصحابهاا تذكر وهذا ما ساعد وسهل لأهل الطير معرفة أسم
الجد ، وعدم ذكر أسمااء باقي النازحين من هذيل إلى نجد وذُكروا بالعموم ليس نقص في طيبهم
يمكن يكونوا من أشجع وأطيب الرجال ،
يقال بأن مجموعه من الحرابشه من المطارفه غير أهل الطير جلو من ديرتهم إلى نجد
(بسبب كثرة حلالهم وخيولهم وأنعامهم فقد ضاقت عليهم الديرة فجلو إلى نجد والشرقية أوسع لهم
وأوطى للأنعام والحلال وبعضهم رحل إلى الشمال وحالفوا عنزة ) ما بين القوسين منسوخ من
احد البحوث عن هذيل ، وغيرهم الكثير من النازحين من الحجاز الى نجد ،
أما ما جعل هذيل الدلم و الخرج يعتقدون بأن جدهم محمد بن عيد لقرب المسافه بين الخرج والرياض
وتواصل الاجداد إلأولين من هذيل الخرج والرياض واختلاطهم مع بعض جعلهم يعتقدون بأن جدهم
واحد وإلا ليس تعدي مثل ما قال احد الأخوان محمد بن عيد ماهو جدار قصير لمن هب ودب !!
يمكن يكون جدهم مثل محمد بن عيد ويمكن يكون افضل ليش لا من يعرف الله واعلم ،
ولو تلاحظو ، أول ما كان فيه إهتمااام من جميع الناس بالقبيله ومن أي قبيله وبعد ظهور هالقنوات
الشعريه وشاعر المليون ومسابقات الشعر بعدها كثرت النعرات والتعصب للقباائل ، شباب أول
يدووب يعرف اسم قبيلته لكن الآن حتى الطفل اللي بمتوسط تلاقيه يتكلم عن قبيلته و بمفاخر
قبيلته وبتعصب واحياناً تووصل لحد الهيااط مثل ما يقولون ،
الخلاااصه : فيه كم جمله من الطرح السابق ما فهمت وش المقصود بها ياريت اعرف
مثلاً :
وان جينا للزمان الحاضر الله يعز ابن سعود حكمها بالسيف وصار الشعب واحد ما تعرف الشجاع من الجبان !!!!
يا ترى منهو الجبان المقصود هناا ؟؟؟
( ما يصلح لكم غير المثل اللي يقول
عنزٍ تحرث عن انصاب الخوصه )
وبعد وش المقصود ؟؟؟
وجدي ذبح ذباح دخيله وجلا تراه ما نزح مثل باقي هذيل نجد وانتم اولهم .
ليش جدنا هرب خوفاً من الثأر مثلاً !!!

مقتطفات اخرى :
اولا اختي الغاليه لاتقولي رجاء اجدادك لانهم ليسوا اجدادك
يمكن اجدادي أفضل !!!!
جوبتي مشعل هل انتي من ذرية حمود ولا محمد واتحدا ان جاوبتي
مثل ماقلت بأول كلامي انتم خدمتكم سالفة العصفور مدري الحمامه اللي سبب مشكلة
حادثة الطير وبكذا ذكر اسم جدك ، ولولا هالحادثه يمكن تكونو ا مثل مئآت الإلووف من هذيل
اللي نزحو لجميع الدول العربيه لم يعرف كيف وليش نزحو اجدادهم .

وشكــراً

[غير معروف]

يا هذليه انتي قاعده تنبشين على عمرك الله يصلحك
دامك الحين اقريتي وتوك تقتنعين انك مانتم من الطير ليه جايه تفتحين الموضوع من جديد ؟؟
اول كنت ابي اركد الامور وابن عمي مشعل محترم وماقصر ، واعتذر ان بدره منه شي
تجين الحين تقولين توك تعرفين اصلك عن طريق منتديات هذيل !!
عاد تحملي ما يجيك من اهل الطير

[غير معروف]

اكتفي بكلام اخوي المشتاق.

[غير معروف]

بسم الله الرحمن الرحيم

Quote:

أعتذر عن فتح الموضوع مره أخرى : ولكنني مررت على إحدى منتديات هذيل واتضحت لي أموور

وش اللي اتضح لكِ

Quote:

وحبيت اطرحهاا هنا ، اولاً خلونا نكون صريحيين عدم وجود مؤرخ أو بااحث في هذيل نجد وعدم
إهتمامهم بالتوثيق هو ما جعل بعض الأمور تختلط عليهم ،

هذا الكلام غير صحيح اطلاقاً يكفي عندنا
* كتاب بنو هذيل
* كتاب اهل الطير بين هذيل ومطير
* كتيب موروث اهل الطير

Quote:

ولا يقول لي احد إحنا موثقين وعارفين لو تسأل اي
هذلي من هذيل نجد أنت من أي خامس يمكن يلتبس عليه او ما يعرف يجاوب وهذا مثل ما قلت سابقاً

هههههههههههههههههههه
هذلان مطير مشجرتهم موجوده
العجلان والعيد مشجرتهم موجوده بالمنتدى
الحجي مشجرتهم اعتقد موجوده

Quote:

عدم التوثيق والإهتمام ، مقاارنه بهذيل الحجاز هناك فرق، هم عندهم مهتميين وباحثيين بأمور القبيله ،
وبجذور القبيله

اذكري لي كتاب واحد يتكلم عن هذيل المعاصره !!! اكون لكِ من الشاكرين

Quote:

اما هذيل نجد ما كلفو انفسهم يبحثون ويوثقون ،
وأتمنى من أخوااني ان يكون النقاش للفايده وللتصحيح اذا كان هناك لبس وليس لشئ آخر

هذيل نجد ذكرتهم كتب الانساب .

Quote:

لأننا كلناا هذلان واذا أُختلف أو صار لبس في اسم الجد الأمر لا يستدعي التهور بالألفااظ

التهور بالالفاظ انتي من بدأ فيه في ردك الاول على اخونا العمده

لأن

Quote:

الجد الأسااسي واحد
واللبس ليس تعدي ،

كل البشر ابوهم ادم عليه وعلى نبينا الصلاة والسلام

Quote:

واللي عرفته بأن النازحين من الحجاز لنجد كُثر وليس أهل الطير وحدهم

اتمنى بأن تعرفي الفرق بين النزوح والجلاء
النزوح يا اختي الفاضله هو امر اختياري
واما الجلاء فهو امر اجباري .
ولذلك نقول جلا اهل الطير من الحجاز ولم ينزحوا .

Quote:

وحاادثة الطير هي ما جعلت أسماء أصحابهاا تذكر وهذا ما ساعد وسهل لأهل الطير معرفة أسم
الجد ، وعدم ذكر أسمااء باقي النازحين من هذيل إلى نجد وذُكروا بالعموم ليس نقص في طيبهم
يمكن يكونوا من أشجع وأطيب الرجال ،

اعوذ بالله بأن نشكك في طيبهم او رجولتهم او اصلهم ولكن قصة الطير تخص اجدادنا نحن اهل الطير وليس غيرهم .

Quote:

يقال بأن مجموعه من الحرابشه من المطارفه غير أهل الطير جلو من ديرتهم إلى نجد
(بسبب كثرة حلالهم وخيولهم وأنعامهم فقد ضاقت عليهم الديرة فجلو إلى نجد والشرقية أوسع لهم
وأوطى للأنعام والحلال وبعضهم رحل إلى الشمال وحالفوا عنزة ) ما بين القوسين منسوخ من
احد البحوث عن هذيل ، وغيرهم الكثير من النازحين من الحجاز الى نجد ،

مطارفة عنزه لم يذكرهم عبدالله بن عبار في كتابه اصدق الدلائل في انساب بني وائل بينما ذكرهم عطيه الشيبي في كتابه العقد الجميل .

Quote:

أما ما جعل هذيل الدلم و الخرج يعتقدون بأن جدهم محمد بن عيد لقرب المسافه بين الخرج والرياض
وتواصل الاجداد إلأولين من هذيل الخرج والرياض واختلاطهم مع بعض جعلهم يعتقدون بأن جدهم
واحد وإلا ليس تعدي مثل ما قال احد الأخوان محمد بن عيد ماهو جدار قصير لمن هب ودب !!
يمكن يكون جدهم مثل محمد بن عيد ويمكن يكون افضل ليش لا من يعرف الله واعلم ،

نحن نتكلم عن اهل الطير وقصتهم حدثت قبل 300 سنه تقريباً ما نتكلم عن امس القريب ، واما باقي كلامك غريب يعني لو اختلط معكم اي شخص بحكم الجوار او النسب او غير ذلك صار منكم ؟؟؟؟

Quote:

ولو تلاحظو ، أول ما كان فيه إهتمااام من جميع الناس بالقبيله ومن أي قبيله

لا الكلام هذا غير صحيح
هذلان مطير لماذا اطلق عليهم هذا المسمى اذن .
ذكرهم ديكسون في كتابه حرب الصحراء
محمد بن عيد ذكره اغلب مؤرخي نجد
عبدالعزيز بن عيد ( العزي ) ذكر في كتب الادب والشعر النبطي
العجلان ذكر الجريسي في كتابه رغبه ( ابن عجلان الهذلي حامل لواء اهل البره في معركة السبله )
ابراهيم بن سليمان بن حجي قاضي الخرمه على وقت خالد بن لؤي

Quote:

وبعد ظهور هالقنوات
الشعريه وشاعر المليون ومسابقات الشعر بعدها كثرت النعرات والتعصب للقباائل ، شباب أول
يدووب يعرف اسم قبيلته لكن الآن حتى الطفل اللي بمتوسط تلاقيه يتكلم عن قبيلته و بمفاخر
قبيلته وبتعصب واحياناً تووصل لحد الهيااط مثل ما يقولون ،

بصراحه اعتقد ان مدى ادراككِ تزامن مع ظهور هذه القنوات والبرامج
ولكن اقول
ليا قامت عيال النشامى تباهى
عزي لِمن لا عد خاله ولا ابوه

Quote:

الخلاااصه : فيه كم جمله من الطرح السابق ما فهمت وش المقصود بها ياريت اعرف
مثلاً :
وان جينا للزمان الحاضر الله يعز ابن سعود حكمها بالسيف وصار الشعب واحد ما تعرف الشجاع من الجبان !!!!
يا ترى منهو الجبان المقصود هناا ؟؟؟

الجبان اللي ما طلع له ذكره ولا طاري قبل توحيد المملكه

Quote:

( ما يصلح لكم غير المثل اللي يقول
عنزٍ تحرث عن انصاب الخوصه )
وبعد وش المقصود ؟؟؟

المقصود الجاهل اللي يتكلم ويحرج نفسه مثل حضرتكِ وحضرة الشخص الذي يتكلم في مقطع اليوتيوب

Quote:

وجدي ذبح ذباح دخيله وجلا تراه ما نزح مثل باقي هذيل نجد وانتم اولهم .
ليش جدنا هرب خوفاً من الثأر مثلاً !!!

اولاً ليس جدكِ من هرب ، اللي هرب من الثأر جد اهل الطير وانتي لستِ منهم
واكيد انه هرب خوفاً من الثأر لانه رجالٍ بدوي وعارفٍ بني عمه اهل حرب واهل ثأر واللي ما يعرف قدر الرجال ما يعرف الرجال قدره .

Quote:

مقتطفات اخرى :
اولا اختي الغاليه لاتقولي رجاء اجدادك لانهم ليسوا اجدادك
يمكن اجدادي أفضل !!!!
جوبتي مشعل هل انتي من ذرية حمود ولا محمد واتحدا ان جاوبتي
مثل ماقلت بأول كلامي انتم خدمتكم سالفة العصفور مدري الحمامه اللي سبب مشكلة
حادثة الطير وبكذا ذكر اسم جدك

فعلاً انتي ما جاوبتي غير انكِ ( من ذرية محمد بن عيد )
سبحان الله عرفتوا بانكم من ذرية محمد بن عيد ولم تعرفوا من اي ابنائه !
وهذا حال اغلب هذيل نجد يقولون ( من ذرية محمد بن عيد ) ولا يعرفون من اي ابنائه ؟؟؟؟؟؟
العجلان والعيد من ذرية سليمان بن محمد بن عيد
والحجي من ذرية حجي بن محمد بن عيد
كان محمد بن عيد جاب عيال بعد وفاته مدري بس بني عمنا العجلان والعيد والحجي يقولون حد علمنا ( سليمان وحجي ) ما تدرون يالربع يمكن طلع من قبره وجاب كم ولد ، شكلنا نبي طلب تحليل الكرموسون الذكري لـ dnn
واما قولكم سالفة العصفور والا الحمامه ان شاء الله نمله المهم اننا نعرف تاريخنا وسبب وجودنا في نجد ما حنا مثل غيرنا اللي يعتقدون !

Quote:

ولولا هالحادثه يمكن تكونو ا مثل مئآت الإلووف من هذيل
اللي نزحو لجميع الدول العربيه لم يعرف كيف وليش نزحو اجدادهم

ههههههههههههههههههه فعلاً انتي فاقده التركيز اعتقد ما لديكِ اي معلومه عن هذيل اسال الله ان يرفع عنك ولا يبلانا .
انتشار هذيل بالدول العربيه جاء نتيجة الفتوحات الاسلاميه
ووجودك مطارفة الطير في نجد نتيجة لقصة الطير
ولكن غيرهم لا اعلم كيف اتوا ؟؟؟

اخيراً
هذيل الخرج والدلم من هذيل نسباً ولا ننكر نسبهم ولكن ليسوا في اهل الطير .

اعتذر اذا جرحت مشاعر اي شخص بكلامي ولكن هذا الصحيح .

[غير معروف]

أخي مشعل طالما انو إسلوبك رااقي بكلمك بنفس إسلووبك وياليت أنت اللي تركز شوي وتعيد قراءة
كلااامي رايح راد على الطير و الطير
يمكن جدكم له مواقف بطوليه أخرى ولكن سالفة الطير اللي انتم ماخذين فيها مقلب تراها مااهي ذاات فخر
واحد حمى له عصفور وقام ولد عمه وذبح هالعصفور وقام الثاني ذبح ولد عمه لأنه ذبح دخيله العصفور
وترك دياره وقبيلته وهرب خوفاً من الثأر بالله وش تشوف فيهاا من التفاخر و البطوله ؟؟؟ !!!
وبعدين مو كل حادثه تؤرخ ويذكر اصحابهاا تكون مفخره من سنتين يوم يُذكر اسم احمد الهذلي مع الإرهابيين
في حادثة التفجيرات هل افتخرت به هذيل ؟؟ هذي حادثه وذكر فيها اسم احمد الهذلي على الملاء
جدك جاي من الحجاز هربان عليه دم وخايف وزبن العتبان في نجد ورفضوو استقبااله
وراح لأهل ثرمداء وحنو عليه وزبنوه والثاني راح للمطران ونفس الشي حنو عليه وزبنوه
علي ايش هالتعالي يا أخي انزل من برجك العالي وشووف الواقع واعرف وش اللي يحق تفتخر فيه
والعكس وربي وربي ما ودي اقول هالكلام في هذلي ولكن انتوا اللي اضطريتوني عليه
الموقف اللي راح تفتخر فيه هذيل الى قيام الساعه هو وقووف هذيل امام ابرهه وصدهم له عن الكعبه
مو جااي تقول عصفور وحمامه و لا تقول لي انتي ما تعرفي علوم الدخيل ترى انا من نجد مو من باريس
اعرف علوم الدخل والحماايه بس اعرف الدخيل يكون رجل او حرمه مو عصفوور !!
هذلان مطير مشجرتهم موجوده
العجلان والعيد مشجرتهم موجوده بالمنتدى
الحجي مشجرتهم اعتقد موجوده
لا ابيك تذكر جدك الرابع اللي قبل جدك راعي الطير

اذكري لي كتاب واحد يتكلم عن هذيل المعاصره !!! اكون لكِ من الشاكرين
لو كنت مركز كان عرفت إن هذا هو لب موضوعي لذلك عيد القراءه لكلامي
اعوذ بالله بأن نشكك في طيبهم او رجولتهم او اصلهم ولكن قصة الطير تخص اجدادنا نحن اهل الطير وليس غيرهم .
ومن قال غير هالكلام الله يهنييك بطيرك
الجبان اللي ما طلع له ذكره ولا طاري قبل توحيد المملكه
اسأل شيبانكم او اسأل العجلان عن عبدالله بن محمد الهذيلي ايام حرب الدلم مع الملك عبد العزيز
واسألهم وش كان يسمى بالدلم وغيره الكثير
اولاً ليس جدكِ من هرب ، اللي هرب من الثأر جد اهل الطير وانتي لستِ منهم
ومن قال إني قلت هالكلام البس نظارتك وراجع كلامي
ولكن غيرهم لا اعلم كيف اتوا ؟؟؟
اسأل الباحثين من هذيل الحجاز ويقولو لك

اخيراً اقول لك اطلب من أخوي المشتاق يرسل لك الرساله اللي ارسلتها له

[غير معروف]

هذليه;42915 wrote:

أخي مشعل طالما انو إسلوبك رااقي بكلمك بنفس إسلووبك وياليت أنت اللي تركز شوي وتعيد قراءة

كلااامي رايح راد على الطير و الطير
يمكن جدكم له مواقف بطوليه أخرى ولكن سالفة الطير اللي انتم ماخذين فيها مقلب تراها مااهي ذاات فخر
واحد حمى له عصفور وقام ولد عمه وذبح هالعصفور وقام الثاني ذبح ولد عمه لأنه ذبح دخيله العصفور
وترك دياره وقبيلته وهرب خوفاً من الثأر بالله وش تشوف فيهاا من التفاخر و البطوله ؟؟؟ !!!
وبعدين مو كل حادثه تؤرخ ويذكر اصحابهاا تكون مفخره من سنتين يوم يُذكر اسم احمد الهذلي مع الإرهابيين
في حادثة التفجيرات هل افتخرت به هذيل ؟؟ هذي حادثه وذكر فيها اسم احمد الهذلي على الملاء
جدك جاي من الحجاز هربان عليه دم وخايف وزبن العتبان في نجد ورفضوو استقبااله
وراح لأهل ثرمداء وحنو عليه وزبنوه والثاني راح للمطران ونفس الشي حنو عليه وزبنوه
علي ايش هالتعالي يا أخي انزل من برجك العالي وشووف الواقع واعرف وش اللي يحق تفتخر فيه
والعكس وربي وربي ما ودي اقول هالكلام في هذلي ولكن انتوا اللي اضطريتوني عليه
الموقف اللي راح تفتخر فيه هذيل الى قيام الساعه هو وقووف هذيل امام ابرهه وصدهم له عن الكعبه
مو جااي تقول عصفور وحمامه و لا تقول لي انتي ما تعرفي علوم الدخيل ترى انا من نجد مو من باريس
اعرف علوم الدخل والحماايه بس اعرف الدخيل يكون رجل او حرمه مو عصفوور !!
هذلان مطير مشجرتهم موجوده
العجلان والعيد مشجرتهم موجوده بالمنتدى
الحجي مشجرتهم اعتقد موجوده
لا ابيك تذكر جدك الرابع اللي قبل جدك راعي الطير

اذكري لي كتاب واحد يتكلم عن هذيل المعاصره !!! اكون لكِ من الشاكرين
لو كنت مركز كان عرفت إن هذا هو لب موضوعي لذلك عيد القراءه لكلامي
اعوذ بالله بأن نشكك في طيبهم او رجولتهم او اصلهم ولكن قصة الطير تخص اجدادنا نحن اهل الطير وليس غيرهم .
ومن قال غير هالكلام الله يهنييك بطيرك
الجبان اللي ما طلع له ذكره ولا طاري قبل توحيد المملكه
اسأل شيبانكم او اسأل العجلان عن عبدالله بن محمد الهذيلي ايام حرب الدلم مع الملك عبد العزيز
واسألهم وش كان يسمى بالدلم وغيره الكثير
اولاً ليس جدكِ من هرب ، اللي هرب من الثأر جد اهل الطير وانتي لستِ منهم
ومن قال إني قلت هالكلام البس نظارتك وراجع كلامي
ولكن غيرهم لا اعلم كيف اتوا ؟؟؟
اسأل الباحثين من هذيل الحجاز ويقولو لك

اخيراً اقول لك اطلب من أخوي المشتاق يرسل لك الرساله اللي ارسلتها له

بسم الله الرحمن الرحيم
السلام عليكم ورحمه الله وبركاته
سبحان الله يا هذليه في الاول كنتي تحامين ومعصبه تقولين انك من اهل الطير وجايبه لنا مقطع فيديو ويوم اتضحت لك الصورة انك لستي منهم قمتي تقولين على ايش تفتخرون وترمين كلام ماله داعي !؟
الا لنا الفخر واكثر ، وتراني ما رديت على كلامك فالاول لانك ضيفة عندنا يوم تقولين عني جاهل وصغير سن !
لكن هالحين اقول لك الطير لا انتم منهم ولانبي رايك فيهم .. اتوكلي على الله يابنت الاجواد
الاولين شينه عندهم حينما يذبح احد دخليهم ، وهذا بالضبط ماصار مع جدنا محمد بن عيد حينما قتل احد الاشخاص دخلية ( الطير ) فوالله الا لنا كل الفخر بقصة الطير اللي جايين انتم تتلزقون فيها ..
فجدنا انتصر لكرامته بقتله الشخص الذي قتل الطير وأرداه قتيلاً ، لأن في ذلك إهانة في عرف القبائل للشخص الذي يعتبر الطير دخيله ، لدرجة أنه ترك أرضه ووطنه وأهله وقبيلته من أجل عزة نفسه ، وهذه القصة يستشهد بها عند أبناء القبيلة إلى الآن عن عزة الهذلي بأنه لا يسمح بأهانة كرامتة حتى لو كان الأمر من أجل طير

وبالنسبة للمعارك والشجاعة فللعجلان والعيد حروب ومعارك مع العرينات في البرة والكل يشهد على شجاعة الهذلان فيها ، ولا يهونون بني عمنا الهذلان المطران

[غير معروف]

المشتاق;42905 wrote:

يا هذليه انتي قاعده تنبشين على عمرك الله يصلحك
دامك الحين اقريتي وتوك تقتنعين انك مانتم من الطير ليه جايه تفتحين الموضوع من جديد ؟؟
اول كنت ابي اركد الامور وابن عمي مشعل محترم وماقصر ، واعتذر ان بدره منه شي
تجين الحين تقولين توك تعرفين اصلك عن طريق منتديات هذيل !!
عاد تحملي ما يجيك من اهل الطير

اخي مشتااق ياليت ما تحرف كلام من عندك

وأصلي معروف من اكثر من الف وخمس مية سنه

ولكن توثيق الاسماء والاحداث ما يحفظها الا الكتب

اخبار اجدادك من 300 سنه كنت معاصرهم في

ذلك الوقت او استسقيتهاا من الكتب ؟

وعلى هالحمااس اللي عندكم اتحدا اذا فيه واحد منك

بطااقته تحمل اسم هذلي .

[غير معروف]

Quote:

و الطير يمكن جدكم له مواقف بطوليه أخرى ولكن سالفة الطير اللي انتم ماخذين فيها مقلب تراها مااهي ذاات فخر

طيب هـ المقلب اللي تقولين عليه معجبنا ونحن نفتخر فيه
ورايك ارجوا انكِ تحتفظين فيه لـ نفسكِ ما انه فخر والا لا فأن فاقد الشيء لا يعطيه .

Quote:

واحد حمى له عصفور وقام ولد عمه وذبح هالعصفور وقام الثاني ذبح ولد عمه لأنه ذبح دخيله العصفور
وترك دياره وقبيلته وهرب خوفاً من الثأر بالله وش تشوف فيهاا من التفاخر و البطوله ؟؟؟ !!!

اسف لحالكِ والله
حرب البسوس قامت بس ضرع ناقه
ابن عريعر حاكم الاحساء وهجر في زمانه حمى بيض النعام
لا اريد ان ادخل في معنى كلمة المجير ( الدخيل ) عند العرب ولكن في هذيل ابو الدغنه كان يجير الرجال بوجهه من مكه حتى نجران ومن ضمنهم ابو بكر صديق رضي الله عنه .
وفالدخيل عند العرب له مكانةٍ لا يعرفها الا العرب سواءً كان الدخيل شخص او ارض او حيوان او خلافه فالدخيل هو الدخيل .

Quote:

وبعدين مو كل حادثه تؤرخ ويذكر اصحابهاا تكون مفخره من سنتين يوم يُذكر اسم احمد الهذلي مع الإرهابيين
في حادثة التفجيرات هل افتخرت به هذيل ؟؟ هذي حادثه وذكر فيها اسم احمد الهذلي على الملاء

يا اختي الفاضله
ليس كل حادثة تدعو للفخر بها
فمثلا هل ما قام به خالد بن سفيان الهذلي من جمع الجيوش والعدة لحرب رسول الله يعد فخرا لـ هذيل .
هل ما قامت به لحيان من هذيل من قتل القراء في عهد رسول الله يعد فخرا لـ هذيل
افتخرت هذيل بـ عبدالله بن مسعود وهو راعي غنم ولم تفتخر بـ خالد بن سفيان وهو سيد هذيل في زمانه .

Quote:

جدك جاي من الحجاز هربان عليه دم وخايف وزبن العتبان في نجد ورفضوو استقبااله

نعم هذا صحيح
فـهل خوفه من القتل يعد عيب !
الله سبحانه وتعالى قال واصفا حال نبيه موسى عليه وعلى نبينا الصلاة والسلام ( فخرج منها خائفاً يرتقب )
وابن ربيعان امير الروقه من عتيبه اعتذر عن استقبالهم لسبب وجيه وهو ان بينه وبين شريف مكه حلف بعدم ايواء من عليه دم وهذا ليس عيباً
فأن رسول الله صلى الله عليه وسلم طلب من الاخنس جواره فاعتذر ثم طلب من سهيل بن عمرو جواره فأعتذر طلب جوار مطعم بن عدي فأجاب.

Quote:

وراح لأهل ثرمداء وحنو عليه وزبنوه والثاني راح للمطران ونفس الشي حنو عليه وزبنوه

ما نقول الا الله يجزاهم خير لو ما حنوا وزبنوا اجدادنا يمكن انهم يروحون يدورون جدك عشان يزبنهم .

Quote:

علي ايش هالتعالي يا أخي انزل من برجك العالي وشووف الواقع واعرف وش اللي يحق تفتخر فيه
والعكس وربي وربي ما ودي اقول هالكلام في هذلي ولكن انتوا اللي اضطريتوني عليه

هههههههههههههههههههه
صدقيني ما زلت في برجي العاجي انظر لكِ بطرف عيني ليس كبراً ولكن اقول الحمد الله الذي فضلنا على كثير مما خلق .

Quote:

الموقف اللي راح تفتخر فيه هذيل الى قيام الساعه هو وقووف هذيل امام ابرهه وصدهم له عن الكعبه

فخر هذيل بنصرة الدين وقول الرسول صلى الله عليه وسلم
( يا هذيل رفقاً بسليم يا سليم رفقاً بهذيل )
فخر هذيل بـ عبدالله بن مسعود
فخر هذيل بـ نبيشة الخير
فخر هذيل بـ سنان بن المحبق
فخر هذيل بـ من رمى القرامطه وحمى مرزاب الكعبه
فخر هذيل بـ انهم جند من جنود الاسلام خدموا الدين بالفتوحات الاسلاميه .

Quote:

مو جااي تقول عصفور وحمامه و لا تقول لي انتي ما تعرفي علوم الدخيل ترى انا من نجد مو من باريس
اعرف علوم الدخل والحماايه بس اعرف الدخيل يكون رجل او حرمه مو عصفوور

يمكن لو انكِ في باريس يسجل اسمكِ د/ فهد المعطاني في مؤلفه عن هذيل
وجدنا من زود الفخر والعنجهيه ذبح من ذبح دخيله بالرغم من ان الدخيل طير اجل لو ان الدخيل بشر يمكن انه يبيد هذيل كلها
اسال الله ان يعفى عنا وعنهم

Quote:

لا ابيك تذكر جدك الرابع اللي قبل جدك راعي الطير

بس الرابع ههههههههههههههههههههه
والله لو فيه احد من اهل الطير ما يعد لـ محمد او حمود يمكن نقيم عليه الحد استغفر الله العظيم

Quote:

لو كنت مركز كان عرفت إن هذا هو لب موضوعي لذلك عيد القراءه لكلامي

انتي اللي تقولين ان هذيل عندهم توثيق لجذور القبيله

Quote:

ومن قال غير هالكلام الله يهنييك بطيرك

شكراً لكِ

Quote:

الجبان اللي ما طلع له ذكره ولا طاري قبل توحيد المملكه
اسأل شيبانكم او اسأل العجلان عن عبدالله بن محمد الهذيلي ايام حرب الدلم مع الملك عبد العزيز
واسألهم وش كان يسمى بالدلم وغيره الكثير

ونعم ونعم بالاجواد ما نقدر نهضم حق العرب لكن حنا ذكرنا مؤلفي نجد !

Quote:

اولاً ليس جدكِ من هرب ، اللي هرب من الثأر جد اهل الطير وانتي لستِ منهم
ومن قال إني قلت هالكلام البس نظارتك وراجع كلامي

ههههههههههههههههه
لا انتي حالتكِ صعبه صعبه صعبه بقوه صعبه
اجل الخلاف على ويش !!!!

Quote:

اسأل الباحثين من هذيل الحجاز ويقولو لك

اسئل اهل الحجاز وانتي لا تعلمين كيف اتى اجدادك !
ورسالتك للاخ المشتاق لا تعنيني اطلاقاً .

[غير معروف]

غير مسجل;42919 wrote:

اخي مشتااق ياليت ما تحرف كلام من عندك

وأصلي معروف من اكثر من الف وخمس مية سنه

ولكن توثيق الاسماء والاحداث ما يحفظها الا الكتب

اخبار اجدادك من 300 سنه كنت معاصرهم في

ذلك الوقت او استسقيتهاا من الكتب ؟

وعلى هالحمااس اللي عندكم اتحدا اذا فيه واحد منك

بطااقته تحمل اسم هذلي .

ههههههههههههههههه
الان صارت الهويه الوطنيه نسب !!!
ولكن نحن نعرف بـــ الهذلي وليس الهذيلي
الهذلي فيها شموخ وتعالي
وليس تصغير لـ كلمة الهذلي مثل الهذيلي
وحقيقة لا اعلم كيف اتيتم بها الهذيلي
عبدالله بن مسعود الهذلي او الهذيلي !
ابو ذؤيب الهذلي او الهذيلي !
معقل بن خويلد الهذلي او الهذيلي !
وفي الهويه الوطنيه يكتب لنا الهذلي .

[غير معروف]

العمده;42916 wrote:

بسم الله الرحمن الرحيم
يوم تقولين عني جاهل وصغير سن !

العفوو يا العمده أنا ما قلت جاهل قلت في مقتبل العمر وهذي ماهي سبه

[غير معروف]

هههههههههههههههههههه
صدقيني ما زلت في برجي العاجي انظر لكِ بطرف عيني ليس كبراً ولكن اقول الحمد الله الذي فضلنا على كثير مما خلق .

مو قلت لك سطحي والفاظك سطحيه يا حييييييف ع الشواارب بس !!!

[غير معروف]

الحمد لله والصلاة والسلام على رسول الله وعلى آله وصحبه ومن والاه، وبعد
لفت أنتباهي لما حدث في هذا الموضوع من تراشق بالكلمات والعبارات ..

من هذا المنطلق أرجو أن يفهم الأخوة الأحبة أنه إن كان لابد من النقاش في موضوع كهذا فليكن بطريقة عرض المعلومات وتوثيقها دون الدخول في مهاترات أو خلافات، كما أن على المتداخل ألا يقحم نفسه في الموضوع، بل يتحدث عن القبيلة بشكل عام سواء أهل الطير أو غيرهم، كما أن إدارة المتدى رأت الأكتفاء بما وصل إلية النقاش ، ويبقى لكل الأحبة قدرهم ومكانتهم فالموقع متاح للجميع وإن كان مسماه العجلان والعيد .. نحن نؤمل أن يتداخل الأخوان والأخوات من هذيل وغيرها ليثروا المواضيع وليصبح الموقع واحة للفائدة للجميع
صادق الود وعاطر التحايا

:wrd:

[الكاتب]

المشاركات